Спіс сацыяльных утрыманцаў плануецца ўдакладніць

Карэкціроўка Дэкрэта № 3 павінна забяспечваць сацыяльную справядлівасць. Такое меркаванне выказаў загадчык кафедры кіравання рэгіянальным развіццём Акадэміі кіравання пры прэзідэнце Аляксандр Луцэвіч.

“Дэкрэт № 3 даў магчымасць выявіць катэгорыю грамадзян, якія карыстаюцца дабротамі, што прадастаўляюцца дзяржавай, але не ўдзельнічаюць у фінансаванні дзяржрасходаў. У найбліжэйшы час у дэкрэт будуць унесены змяненні. І тут важна менавіта тое, што спіс сацыяльных утрыманцаў плануецца ўдакладніць, у ім будуць канкрэтна тыя, хто павінен і можа працаваць”, — адзначыў Аляксандр Луцэвіч. Карэкціроўка дакумента дасць магчымасць абараніць інтарэсы тых, хто трапіў у складаную жыццёвую сітуацыю і каму патрэбна дапамога і ўвага дзяржавы.

Таму падыход павінен быць дыферэнцыраваным, кожная сітуацыя павінна разглядацца індывідуальна. У сувязі з гэтым да работы па выкананні Дэкрэта № 3 павінны больш актыўна падключацца ўлады на месцах. “У гэтым выпадку ўсё знаходзіцца ў руках прадстаўнікоў мясцовых органаў улады. Менавіта ў іх ёсць рэсурсы, каб выявіць асоб, якія не працуюць і якіх неабходна прымусіць працаваць”, — сказаў Аляксандр Луцэвіч.

Сабраныя сродкі будуць накіраваны на тое, каб аказваць дапамогу неабароненай частцы нашага грамадства — дзецям. “Аб эканоміцы, напэўна, гаварыць тут не трэба. Вядома ж, у гэтым выпадку мы чакаем перш за ўсё сацыяльнага эфекту, сацыяльнай справядлівасці”, — рэзюмаваў Аляксандр Луцэвіч.

Пакінуць каментарый

Ваш электронны адрас не будзе апублікаваны. Абавязковыя палі пазначаны *