Рэспубліканская селектарная нарада па пытаннях уборкі ўраджаю паскорыла работу ўсіх кіраўнікоў. Гэта адзначыла кіраўнік Адміністрацыі прэзідэнта Наталля Качанава, якая прадставіла актыву Аршанскага раёна новага старшыню райвыканкама Аляксандра Пазняка.
“У нас ураджайны год, добрае збожжа на палях. Трэба ў самыя кароткія тэрміны ўбраць вырашчанае, каб забяспечыць харчовую бяспеку і мець запас для паставак на экспарт”, — сказала Наталля Качанава.
“Гэтая нарада, несумненна, паскорыла работу ўсіх кіраўнікоў. Тады прагучала, што 30% тэхнікі не гатова да пачатку ўборачнай кампаніі. Цяпер сітуацыя зусім іншая. Гэта сведчыць аб тым, што кіраўнікам трэба больш адказна ставіцца да пастаўленых задач. Урадам было прынята рашэнне аб тым, што ў чэрвені ўся тэхніка павінна быць гатова. Не, мы чакаем яшчэ нейкіх указанняў, — адзначыла кіраўнік Адміністрацыі. — Усё, што было сказана прэзідэнтам на селектарнай нарадзе, абавязковае для выканання кожным кіраўніком — кіраўніком сельгаспрадпрыемства, раёна, усёй вертыкаллю ўлады. Выканаць пастаўленыя задачы ў самыя кароткія тэрміны — гэта справа гонару”.
На пазачарговай сесіі Аршанскага райсавета Аляксандр Пазняк зацверджаны на пасадзе старшыні Аршанскага раённага выканаўчага камітэта. Да гэтага ён быў памочнікам прэзідэнта — інспектарам па Віцебскай вобласці.
