Беларуска-турэцкія эканамічныя адносіны могуць выйсці на якасна новы ўзровень, звязаны з пераходам ад простага гандлю таварамі да прамысловай кааперацыі, узаемнага інвесціравання, сумесных навукова-тэхнічных праграм. Аб гэтым заявіў Прэм’ер-міністр Беларусі Сяргей Румас на сустрэчы са старшынёй Вялікага нацыянальнага сходу Турцыі Біналі Йылдырымам.
“Дабіцца гэтай мэты магчыма за кошт складання нашых канкурэнтных пераваг, рэалізацыі сумесных праектаў у машынабудаўнічай, хімічнай, тэкстыльнай, фінансавай, транспартна-лагістычнай і іншых галінах”, — лічыць Сяргей Румас.
“Мы маем выдатную дынаміку ва ўзаемным гандлі — за апошнія 10 гадоў тавараабарот павялічыўся больш як у 5 разоў. Чакаем, што па выніках гэтага года таварабарот Беларусі і Турцыі ўпершыню перасягне $1 млрд”, — адзначыў ён.
Урад Беларусі разлічвае, што перспектыўныя эканамічныя праекты будуць разглядацца на чарговым пасяджэнні беларуска-турэцкай міжурадавай камісіі, што пройдзе ў пачатку наступнага года. “Мы будзем сур’ёзна рыхтавацца і разглядаем пасяджэнне як вельмі важны крок для фарміравання эканамічнага парадку дня афіцыйнага візіту Прэзідэнта Беларусі ў Турцыю”, — дадаў прэм’ер-міністр.
“Мы нязменна разглядаем Турцыю ў якасці надзейнага сябра, перспектыўнага партнёра на міжнароднай арэне, а таксама апорнай пляцоўкі для нарошчвання беларускай эканамічнай прысутнасці ў рэгіёне Блізкага Усходу і Паўночнай Афрыкі. Беларусь у сваю чаргу мае ўсе ўмовы, каб стаць для турэцкіх кампаній надзейным плацдармам па размяшчэнні лагістычных цэнтраў і вытворчых кампаній, арыентаваных на рынкі ЕАЭС і СНД”, — сказаў Сяргей Румас.
Біналі Йылдырым падкрэсліў, што Вялікі нацыянальны сход прыкладзе ўсе намаганні для ўмацавання адносін паміж Беларуссю і Турцыяй. “Маючы адбыцца візіт Прэзідэнта Беларусі ў Турцыю будзе мець вялікае значэнне і адкрые новую старонку ў нашых адносінах”, — упэўнены ён.
