Узрыў у метро Санкт-Пецярбурга пацвярджае, што тэрарыстычная сітуацыя не паляпшаецца, усе краіны СНД з’яўляюцца патэнцыяльнымі аб’ектамі тэрарыстычных атак. Аб гэтым заявіў Прэзідэнт Расіі Уладзімір Пуцін на сустрэчы з кіраўнікамі дэлегацый ХIV пасяджэння нарады кіраўнікоў органаў бяспекі і разведвальных службаў дзяржаў — удзельніц СНД, перадае ТАСС.
“Мы бачым, што сітуацыя, на жаль, не паляпшаецца. І самае лепшае пацвярджэнне гэтага — нядаўнія трагічныя падзеі ў Санкт-Пецярбургу. У выніку тэрарыстычнага акта загінулі людзі, шмат пацярпелых”, — сказаў расійскі лідар.
“Мы ведаем, што кожная з нашых краін, практычна кожная, з’яўляецца магчымым, патэнцыяльным аб’ектам тэрарыстычных атак. Шмат і іншых пагроз для нашых краін”, — дадаў ён.
Акрамя тэрарызму, паводле слоў Уладзіміра Пуціна, галоўнымі пагрозамі бяспекі ў краінах СНД з’яўляюцца арганізаваная злачыннасць, наркатрафік, а таксама карупцыя і ўздзеянне знешніх сіл на ўнутрыпалітычную сітуацыю.
“Шмат і іншых пагроз для нашых краін. Гэта і арганізаваная злачыннасць, і наркатрафік. Гэта, дарэчы, і карупцыя, гэта і ўздзеянне знешніх сіл, якія, так ці інакш, спрабуюць паўплываць на развіццё ўнутрыпалітычных сітуацый у нашых краінах”, — сказаў Уладзімір Пуцін.
