Цёплыя віншаванні адрасаваў міністр адукацыі Беларусі Андрэй Іванец жанчынам з нагоды свята 8 Сакавіка.
Дарагія жанчыны! Паважаныя калегі!
Ад імя Міністэрства адукацыі Рэспублікі Беларусь і ад мяне асабіста прыміце самыя цёплыя і душэўныя віншаванні з Днём жанчын!
У гэтае свята мы дорым вам словы ўдзячнасці за тое, што вы робіце навакольны свет прыгажэйшым і дабрэйшым, прыўносіце ў яго гармонію і натхненне.
Сёння ў сістэме адукацыі працуюць у асноўным жанчыны. Упэўнены, у жанчыне-настаўніку самой прыродай закладзены такія вялікія якасці, як міласэрнасць, спагада, дабрыня і любоў.
Ваш штодзённы клопат і цярпенне дапамагаюць дзецям паверыць у свае сілы і стаць паспяховымі. Вы падштурхоўваеце іх да адкрыццяў і вучыце дасягаць пастаўленай мэты, на ўласным прыкладзе дэманструеце прафесійную самаадданасць і чалавечнасць. Вы раскрываеце здольнасці сваіх вучняў, дапамагаеце ім вызначыць сваё будучае прызванне, выбраць жыццёвы шлях.
Пры гэтым заўсёды застаяцеся надзейнымі захавальніцамі дамашняга ачага, дорыце цеплыню і клопат блізкім.
Жадаю моцнага здароўя, шчасця і дабрабыту вам і вашым блізкім!