Вяртання не адбылося

Экс-прэзідэнт Францыі Нікаля Сарказі пакінуў прэзідэнцкую гонку.

У Францыі 20 лістапада адбыліся першасныя выбары. Мэта іх — вызначыць найбольш папулярнага кандыдата ад правацэнтрысцкіх сіл на выбарах кіраўніка дзяржавы ў 2017 годзе.

61-гадовы Нікаля Сарказі, які лічыўся адным з фаварытаў, уступіў сваім сапернікам — былым прэм’ер-міністрам Франсуа Фіёну і Алену Жупэ. Сарказі набраў 22,9 працэнта галасоў, у той час як яго канкурэнты — 43,6 працэнта і 26,7 працэнта адпаведна.

Былы кіраўнік Францыі зрабіў заяву, што не адчувае горычы, жадае краіне самага лепшага і падтрымлівае Франсуа Фіёна.

Пазней былы прэзідэнт паведаміў, што сыходзіць з вялікай палітыкі.