Здагадацца, што ў майстэрні працоўнага навучання сярэдняй школы № 2 Беразіна гаспадарыць Мікалай Дубовік, вельмі проста: калі ў калідорах ціха і пуста, значыць, вучні ў майстэрні. Падрабязнасці – у матэрыяле карэспандэнта «Настаўніцкай газеты».
У сярэдняй школе № 2 Беразіна Мікалай Дубовік вучыць дзяцей працаваць рукамі ўжо 11 гадоў. Пасля заканчэння Аршанскага індустрыяльна-педагагічнага вучылішча, у савецкія часы, малады спецыяліст Мікалай Якаўлевіч працаваў у сярэдняй школе № 4 Ковеля, а затым у Каменнаборскай сярэдняй школе Бярэзінскага раёна.
“Пасля я паступіў у Мазырскі дзяржаўны педагагічны ўніверсітэт імя І.Шамякіна і прайшоў перападрыхтоўку па сацыяльнай педагогіцы, — расказвае пра сябе настаўнік. — Пасля таго як адпрацаваў некалькі гадоў у школе, перайшоў на пасаду сацыяльнага педагога, а пасля ўзначальваў СПЦ Беразіна. — Назіраючы доўгі час за дзеткамі, якія траплялі да нас у прытулак, зразумеў, што мне псіхалагічна цяжка бачыць гэтую рэальнасць. Таму 11 гадоў назад перайшоў працаваць у школу па сваёй спецыяльнасці”.
Разважаючы над тым, ці лёгка навучыць дзяцей працаваць рукамі, Мікалай Дубовік упэўнены, што ў многім усё залежыць ад настаўніка — не ад дзіцяці.
“Дзеці, якія жывуць у вёсцы, больш прыстасаваныя да жыцця, яны ўмеюць працаваць рукамі і не цураюцца гэтага, — працягвае настаўнік. — Безумоўна, у гарадскіх школах навучэнцаў таксама можна зацікавіць чым заўгодна. Галоўнае, каб у настаўніка было жаданне”.
У Мікалая Якаўлевіча зацікавіць вучняў атрымліваецца вельмі лёгка. Бачачы, якую прыгажосць стварае настаўнік, дзеці таксама просяць навучыць іх гэтаму. Дарэчы, штогод вучні Мікалая Дубовіка становяцца пераможцамі розных этапаў алімпіяды па працоўным навучанні. Не так даўно навучэнец 8 класа Ілья Голуб атрымаў на абласным этапе дыплом ІІІ ступені.
Чытайце матэрыял Наталлі САХНО ў нумары “Настаўніцкай газеты” ад 31 сакавіка 2023 года.
