Як дапамагаюць вывучаць біяграфіі пісьменнікаў малюнкі і асацыятыўныя карты, карэспандэнту «Настаўніцкай газеты» расказала настаўніца рускай мовы і літаратуры гімназіі № 1 Слуцка Юлія Савановіч.
У вывучэнні рускай літаратуры школьнікі больш за ўсё не любяць чытаць і запамінаць біяграфіі аўтараў. Каб змяніць адносіны навучэнцаў да прадмета, Юлія Савановіч распрацавала ўласную методыку выкладання, пабудаваную на візуалізацыі інфармацыі.
Юлія Савановіч расказвае, што сёння дзецям для вывучэння даецца вялікі аб’ём інфармацыі, запомніць які з першага разу даволі складана.
“Перш чым даць вучням інфармацыю для азнаямлення і вывучэння, настаўнік павінен яе апрацаваць і паказаць дзецям у больш зручным, даступным выглядзе, — упэўнена педагог. — Таму на ўроках літаратуры мы пачалі маляваць”.
А пачалося ўсё з таго, што Юлія Савановіч прынесла навучэнцам на ўрок асацыятыўныя карты. На здзіўленыя позіркі навучэнцаў настаўніца адказала проста: гэта трэба, каб вучыць біяграфіі пісьменнікаў.
“Асацыятыўныя карты — гэта адзін з самых універсальных і простых у выкарыстанні прыёмаў для павышэння эфектыўнасці разумовай дзейнасці, — тлумачыць Ю.Савановіч. — Яны дазваляюць упарадкаваць матэрыял, сканцэнтраваць увагу на патрэбнай інфармацыі і захаваць яе ў памяці ў выглядзе знакаў-асацыяцый. Каштоўнасць гэтага прыёму ў тым, што вучню не абавязкова мець мастацкія здольнасці, а сімвалы-вобразы, намаляваныя ім, каштоўныя ў якасці перапрацаванай слоўнай і лічбавай інфармацыі ў першую чаргу менавіта яму самому”.
Чытайце матэрыял Наталлі САХНО ў нумары ад 17 сакавіка 2023 года.
