У Мінску пройдзе Тыдзень прафесійнай адукацыі

Мерапрыемства “Твая прафесійная адукацыя: тыдзень для пытанняў, адказаў, абмеркаванняў” пройдзе з 24 па 30 мая 2021 года. На працягу 7 дзён эксперты на рэальных прыкладах раскажуць, што дае прафесійная адукацыя, якія магчымасці адкрываюцца перад выпускнікамі каледжаў і ліцэяў, дзе можна вучыцца і працаваць пасля атрымання сярэдняй спецыяльнай і прафесійна-тэхнічнай адукацыі, як арганізавана інклюзіўнае адукацыйнае асяроддзе. За ўсімі мерапрыемствамі тыдня можна сачыць на сайце http://profiweek.by/. Мерапрыемства будзе карысна школьнікам і бацькам, настаўнікам, навучэнцам каледжаў і ліцэяў і прымеркавана да ўступнай кампаніі 2021 года.

Далучыўшыся анлайн да Тыдня прафесійнай адукацыі, усе жадаючыя змогуць пабываць на віртуальных экскурсіях, а таксама ўбачыць, як працуюць сучасныя прадпрыемствы Беларусі. Мінск, Гродна, Орша, Маладзечна — навучальныя ўстановы ва ўсіх гэтых гарадах можна будзе “наведаць” за два дні. Падчас дыскусіі будзе магчымасць задаць свае пытанні аб навучанні ў каледжах і ліцэях, а таксама аб працаўладкаванні. У пятніцу, 28 мая, на ўсе пытанні, якія тычацца атрымання прафесійнай адукацыі, у прамым эфіры адкажа рэктар Рэспубліканскага інстытута прафесійнай адукацыі В.М.Галубоўскі.

Акрамя размовы са спецыялістамі ў галіне прафесійнай адукацыі, 29 мая таксама будзе арганізавана “Жывая бібліятэка” анлайн. Прынцып “Жывой бібліятэкі” просты: на сустрэчу будуць запрошаны “жывыя кнігі”, г.зн. прафесіяналы з першых вуснаў раскажуць свае гісторыі. “Чытачы”, г.зн. тыя, хто далучыцца да мерапрыемства, на працягу 30 мінут будуць гутарыць з “кнігамі” і зададуць свае пытанні. Так, за адну сустрэчу чалавек можа “прачытаць” некалькі кніг і наўпрост спытаць пра тое, што яго цікавіць ці хвалюе. Гэтае мерапрыемства будзе арганізавана ў супрацоўніцтве з цэнтрам “Жывая Бібліятэка”.

Тыдзень прафесійнай адукацыі праводзіцца ў рамках еўрапейскага праекта “Занятасць, прафесійная адукацыя і навучанне ў Беларусі” і прымеркаваны да ўступнай кампаніі 2021 года.

З падрабязнай праграмай мерапрыемства можна азнаёміцца ​​на сайце і ў сацыяльных сетках:

http://profiweek.by/

https://www.facebook.com/vetbelarus

https://www.instagram.com/profiweek/

https://t.me/profiweek.