Даўжнікі пазбаўлены права голасу

Шэсць краін часова пазбаўлены права галасавання на Генеральнай асамблеі ААН з-за нявыплаты членскіх узносаў, паведамляюць інфармагенцтвы.

У спісах даўжнікоў — Венесуэла, якая зможа прымаць удзел у галасаванні, толькі заплаціўшы $24 млн. Таксама членскія ўзносы не заплацілі Каба-Вердэ, Лівія, Папуа — Новая Гвінея, Судан і Вануату. Гэтым пяці краінам дадзена адтэрміноўка да канца работы 71-й сесіі Генасамблеі ААН, гэта значыць да восені 2017 года.

Генеральны сакратар ААН Антоніу Гутэрыш заявіў, што краінам-даўжнікам будзе вернута права голасу, калі яны заплацяць даўгі як мінімум за два гады. Адзначаецца, што сумы штогадовых узносаў разлічваюцца для кожнай краіны індывідуальна.

Пакінуць каментарый

Ваш электронны адрас не будзе апублікаваны. Абавязковыя палі пазначаны *