Мемарыял у Курапатах можа стаць сімвалам аб’яднання

Стварэнне мемарыяла ў Курапатах можа стаць агульнанацыянальнай справай. Такое меркаванне выказаў генеральны дырэктар Нацыянальнага мастацкага музея Беларусі Уладзімір Пракапцоў.

Урочышча Курапаты павінна стаць месцам нацыянальнай памяці беларусаў, і не толькі іх, упэўнены Уладзімір Пракапцоў. Ён лічыць, што прыняць удзел у стварэнні мемарыяла можа любы грамадзянін. Трэба аб’явіць конкурс на стварэнне памятнага знака, а таксама збор сродкаў на яго ўзвядзенне.

“Курапаты — сімвал трагічных падзей у Беларусі, але і сімвал аб’яднання. На месца памяці будуць прыходзіць людзі розных пакаленняў, веравызнання, розных нацыянальнасцей”, — сказаў Уладзімір Пракапцоў.

Важна помніць гэтую трагедыю XX стагоддзя, гісторыю, ад якой нельга адмахнуцца. На думку гендырэктара, гэтая тэма асабліва важная для моладзі, для выхавання.

У Беларусі з удзелам вучоных, грамадскіх дзеячаў абмяркоўваецца статус Курапат, значэнне гэтага месца ў грамадскім жыцці, урокі, якія трэба атрымаць з трагічнага мінулага. Разглядаецца магчымасць стварэння ва ўрочышчы нацыянальнага мемарыяла памяці і смутку.

Пакінуць каментарый

Ваш электронны адрас не будзе апублікаваны. Абавязковыя палі пазначаны *