Актыўныя дзеці менш рызыкуюць пакутаваць ад дэпрэсіі ў будучыні. Такую выснову зрабілі нарвежскія вучоныя з Універсітэта навукі і тэхналогій Транхейма. Пра гэта паведамляе Fox News.
Даследчыкі вымяралі колькасць штодзённых фізічных нагрузак у групы школьнікаў ад шасці да васьмі гадоў, а потым гутарылі з іх бацькамі аб схільнасці дзяцей да дэпрэсіўнага настрою. Пастаянныя заняткі спортам абараняюць дзіця ад нестабільнага эмацыянальнага стану як мінімум на два гады наперад, высветлілі навукоўцы.
З дапамогай спецыяльнага прыбора, які здымалі з дзяцей толькі падчас купання, даследчыкі вымералі колькасць гадзін актыўнасці ў дзвюх тысяч дзяцей. Шасцігадовыя ўдзельнікі эксперымента надавалі фізічным нагрузкам крыху больш за гадзіну ў дзень, да васьмі гадоў гэты паказчык амаль не мяняецца. Колькасць жа сімптомаў, якія гавораць пра дэпрэсіўны стан, у васьмігадовых актыўных дзяцей істотна змяншалася.
У той жа час ніякай сувязі паміж недастатковымі фізічнымі нагрузкамі і павышанай схільнасцю да дэпрэсіі даследчыкі не знайшлі. Па словах навукоўцаў, дакладна вызначыць мінімальны дапушчальны час для фізічнай актыўнасці нельга. Самі сімптомы, характэрныя для дэпрэсіўнага стану, таксама не заўсёды гавораць пра тое, што дзіця пакутуе ўжо ад сапраўднай дэпрэсіі.
