Украіна: мінадукацыі плануе паслабіць ціск на школу

Міністэрства адукацыі мае намер скараціць бюракратычную нагрузку на ўкраінскія школы. Адпаведныя меры прадугледжаны планам па ўкараненні Канцэпцыі рэалізацыі дзяржаўнай палітыкі ў сферы рэфармавання сярэдняй адукацыі “Новая ўкраінская школа”, зацверджанай урадам 13 снежня.

Скарачэнне бюракратычнай нагрузкі на школы плануецца рэалізаваць дзякуючы выкананню чатырох пунктаў плана, якія павінны быць ажыццёўлены на працягу 2018 года.

У прыватнасці, у рамках выканання плана школьнай дэбюракратызацыі адукацыйнае ведамства плануе распрацаваць абноўленую тыпавую інструкцыю па справаводстве для агульнай сярэдняй адукацыі. Таксама плануецца прыняць меры па спрашчэнні сістэмы дакументаабароту, аптымізацыі справаздачнасці і ўкараненні электронных форм дакументаў.

У IV квартале 2018 года ў Кіеве, Львоўскай і Харкаўскай абласцях будзе праведзены эксперымент па дэбюракратызацыі адукацыі.

Яшчэ адной мерай па змяншэнні бюракратычнага ціску на школы ў міністэрстве лічаць запуск сістэмы адукацыйнай статыстыкі і аналітыкі, якая павінна быць створана да канца 2018 года.

Пакінуць каментарый

Ваш электронны адрас не будзе апублікаваны. Абавязковыя палі пазначаны *