У пачатку гэтага тыдня міністр адукацыі Ігар Карпенка ганараваў журналістаў. Мерапрыемства было прымерквана да Дня друку і праходзіла на базе факультэта журналістыкі Беларускага дзяржаўнага ўніверсітэта.
На сустрэчы з прадстаўнікамі сродкаў масавай інфармацыі была аб’яўлена падзяка міністра адукацыі журналістам, якія на працягу доўгага часу асвятляюць на высокім прафесійным узроўні пытанні развіцця сістэмы адукацыі. У ліку ўзнагароджаных былі і прадстаўнікі “Настаўніцкай газеты”.
Узнагароды за плённае супрацоўніцтва атрымалі рэдактар аддзела кіравання адукацыяй Ала Клюйко, рэдактар аддзела навукі і вышэйшай школы Галіна Сідаровіч, рэдактар аддзела школ Вольга Дубоўская, уласны карэспандэнт па Мінскай вобласці Дар’я Рэва і фотакарэспандэнт Алег Ігнатовіч.
У віншаванні Ігар Васільевіч выказаў журналістам словы ўдзячнасці за своечасовае асвятленне ў СМІ пытанняў развіцця адукацыі, за пастаянную інфармацыйную падтрымку і актыўную прафесійную пазіцыю.
Віншуем калег і жадаем ім далейшых поспехаў!
Вольга БАРЫСЕВІЧ.
Фота Ігара ГРЭЧКІ.
