У Крамлі лічаць, што важней прыхільнасць да мінскіх дамоўленасцей, чым выбар месца абмеркавання мер урэгулявання ва Украіне. Аб гэтым заявіў прэс-сакратар Прэзідэнта Расіі Дзмітрый Пяскоў.
“У гэтым выпадку месца не мае такога вялікага значэння. Значэнне маюць прыхільнасць адпаведных бакоў да ідэі безальтэрнатыўнасці мінскіх дамоўленасцей па прычыне адсутнасці якіх-небудзь іншых, прыхільнасць да “нармандскага фармату”, — сказаў Дзмітрый Пяскоў.
Пытанне аб пераносе перагавораў па Данбасе з Мінска ў іншае месца было закранута на сустрэчы паміж амерыканскім прэзідэнтам Дональдам Трампам і яго калегам Нурсултанам Назарбаевым у час візіту казахстанскага лідара ў Вашынгтон 16 студзеня. Паводле слоў Нурсултана Назарбаева, размова ішла аб тым, што “Мінск-1” застопарыўся — патрэбны “Мінск-2”.
