Адзін з напрамкаў сучаснага этапу інфарматызацыі адукацыі звязаны з выкарыстаннем адукацыйных блогаў для навучання розным прадметам.
Асноўнай мэтай навучання замежным мовам у агульнаадукацыйных установах з’яўляецца авалодванне камунікатыўнай кампетэнцыяй на замежнай мове, уменне прымяняць тэарэтычныя веды на практыцы. Для гэтага выкладчыку неабходна стварыць такія сітуацыі зносін на занятках па замежнай мове, якія максімальна набліжаны да рэалій дзелавога і штодзённага жыцця і адпавядаюць індывідуальна-псіхалагічным асаблівасцям асваення мовы вучнямі.
Даволі паспяхова справіцца з гэтай задачай дапамагае прымяненне інавацыйных камп’ютарных тэхналогій, у прыватнасці адукацыйных блогаў. Абапіраючыся на свой уласны вопыт стварэння і функцыянавання адукацыйнага блога, магу з упэўненасцю сказаць, што адукацыйны блог ці сайт можа быць эфектыўна выкарыстаны ва ўсіх відах навучання.
Выкарыстанне адукацыйнага блога забяспечвае высокую інфармацыйную ёмістасць матэрыялу, стымуляванне пазнавальнай актыўнасці навучэнцаў, павышэнне нагляднасці ўрока, інтэнсіўнасці яго правядзення, індывідуалізацыі і дыферэнцыяцыі.
Інструменты і тэхналогіі лічбавага навучання запаўняюць прабелы ў традыцыйным навучанні ў класе. Важна разумець, што паспяховае лічбавае асяроддзе навучання факусіруецца на выкладанні і навучанні, а не на тэхналогіях. Устройства або праграма з’яўляецца інструментам для навучання, а настаўнік аблягчае працэс і накіроўвае кожнага навучэнца па шляху індывідуальнага навучання.
Што такое змешанае навучанне? Змешанае навучанне — гэта спалучэнне дыстанцыйнага навучання і традыцыйнага навучання ў класе. Па сутнасці, навучэнцы прытрымліваюцца раскладу навучальнай установы і наведваюць заняткі ў навучальнай установе. Тым не менш частка заняткаў або заданняў будуць анлайн, што дазволіць выконваць іх, не выходзячы з дому.
Блог — вэб-сайт, асноўны змест якога складаюць кароткія запісы, што размяшчаюцца ў зваротнай храналагічнай паслядоўнасці. Блог дазваляе размяшчаць дакументы, выявы, актыўныя спасылкі, убудоўваць гульні, тэсты, файлы мультымедыя.
Прааналізаваўшы розныя платформы для блогінгу, я выбрала сэрвіс Blogger на платформе Google.
Мэты і задачы блога — стварэнне адзінага школьнага і міжшкольнага інфармацыйна-камунікатыўнага асяроддзя ў рамках змешанага навучання, прэзентацыя сучасных інфармацыйных тэхналогій і адукацыйных платформ для павышэння эфектыўнасці адукацыйнага працэсу, стварэнне інструментаў публічнага інтэрактыўнага абмеркавання школьных пытанняў і праблем на англійскай мове для ўцягвання вучняў у працэс іншамоўнай камунікацыі.
Разгледзім асноўныя функцыі блога.
Адукацыйная — прадастаўленне магчымасцей дыстанцыйнага навучання, выкарыстанне ў вучэбным працэсе электронных прадуктаў, створаных на розных аду-
кацыйных платформах, каналах і сайтах.
Камунікатыўная — блог як сродак зносін паміж усімі зацікаўленымі ўдзельнікамі адукацыйнага працэсу, магчымасць абмену інфармацыяй з дапамогай інструмента каментарыяў, убудаваных у блог.
Інфармацыйная — блог як стужка навін, анонс падзей, магчымасць аператыўнага атрымання адказаў на пытанні, якія цікавяць.
Адукацыйны блог https://superenglishwithveronika.blogspot.com/, створаны з дапамогай сэрвісу Blogger на платформе Google за 5 гадоў актыўнага функцыянавання набыў пастаянных чытачоў, мае зваротную сувязь і ўжо налічвае больш за 800 публікацый аўтарскіх матэрыялаў: аўтарскія тэсты, мультымедыйныя заданні, аўдыя- і відэаматэрыялы, планы ўрокаў, анонсы міжнародных канферэнцый, каментарыі, метадычныя рэкамендацыі па выкладанні англійскай мовы.
Структурна блог складаецца са старонак (Home, CPD, Big Ideas, Online Video Conferencing, International Contests, Test your English Level, 4th grade, 5th grade, 6th grade, 7th grade, 8th grade, 10th grade, 11th grade, Exam Topics, Exam Cards, Centralized Testing, TOEFL, IELTS, Career Guidance, The English Language Olympiad, Students’ Projects, Grammar, Listening, Speaking, Vocabulary, English Idioms, English Songs, Functional English, Business English, English Traditions&Amasing Facts, Games &Puzzles) і пастоў, з дапамогай гіперспасылак убудаваных у адпаведныя старонкі, якія пастаянна абнаўляюцца і выкарыстоўваюцца на вучэбных занятках і для паўтарэння дома ў фармаце змешанага навучання.
Для вывучэння новай лексікі і моўных адзінак выкарыстоўваюцца карткі, створаныя на адукацыйнай платформе Quizlet і ўбудаваныя ў блог, таму навучэнцам няма неабходнасці рэгістравацца на іншай платформе. У гэтым выпадку прымяняецца падыход flipped classroom (перавернуты клас), калі школьнікі вывучаюць новы граматычны або моўны матэрыял дома з дапамогай файлаў мультымедыя, убудаваных у блог, і на вучэбных занятках ужо гатовы выкарыстоўваць і замацоўваць вывучаны матэрыял.
Магчымасць убудоўваць тэсты (Microsoft Forms, Quizlet, GoConqr, Google Forms, Learning apps, Wordwall, Udoba) дазваляе замацаваць матэрыял і праверыць яго ў займальнай форме. Пачынаючы з 7 класа з улікам дыферэнцыраванага падыходу паступова ў тэстах адключаецца магчымасць праверыць адказы аўтаматычна. Па-першае, гэта перашкаджае спісванню, а па-другое, навучэнцы, якія недастаткова засвоілі пройдзены матэрыял, маюць магчымасць пазаймацца дома дыстанцыйна ў сваім тэмпе і засвоіць матэрыял.
Функцыя каментарыяў, убудаваная ў блог, выкарыстоўваецца для развіцця навыкаў пісьмовай мовы і дае навучэнцам рэальную аўдыторыю, якой яны могуць пісаць. Асяроддзе для сумеснай работы (убудаваная дошка Padlet і Jamboard для абмену тэкставымі паведамленнямі, фатаграфіямі, спасылкамі, дадатак па стварэнні прэзентацый анлайн Google Slides) выкарыстоўваецца навучэнцамі для стварэння праектаў, атрымання зваротнай сувязі ад настаўніка і ўдасканалення навыкаў пісьмовай і вуснай мовы. Хочацца адзначыць, што англійская мова навучэнцаў паляпшаецца, яны становяцца больш уважлівымі ў вэб-публікацыях, паколькі шырэйшая аўдыторыя (уключаючы аднагодкаў) можа праглядаць і чытаць іх работы.
Для развіцця навыкаў вуснай мовы ў сярэдніх і старшых класах выкарыстоўваецца метад відэапраектаў. Напрыклад, відэапраект-інтэрв’ю аб школьных святах і традыцыях школы быў прадстаўлены навучэнцамі 8-х класаў. Спачатку, згодна з патрабаваннямі праекта, навучэнцы падрыхтавалі інтэрв’ю з выкарыстаннем лексікі і моўных клішэ, вывучаных у гэтым раздзеле, затым разыгралі інтэрв’ю і запісалі яго на смартфоны, адправілі відэа настаўніку, які зманціраваў усе відэа класа ў адно і выклаў на свой YouTube-канал, а затым убудаваў у блог ва ўкладку Students’ Projects (https://superenglishwithveronika.blogspot.com/p/students-projects.html) для прагляду і абмеркавання ў класе. Відэапраект быў прыняты на ўра і садзейнічаў развіццю не толькі камунікатыўных навыкаў, але і навыкаў каманднай работы.
За 5 гадоў блог быў прагледжаны больш за 335 000 разоў, што паказвае зацікаўленасць навучэнцаў і педагогаў у кантэнце блога і пацвярджае правільнасць выбранага падыходу для павышэння матывацыі навучэнцаў да вывучэння англійскай мовы і павышэння якасці навучання.
Грунтуючыся на ўласным вопыце, асобна хочацца адзначыць перавагі лічбавай адукацыйнай прасторы для карыстальнікаў (навучэнцаў, бацькоў, настаўнікаў, калег):
- першая і самая галоўная перавага адукацыйнага блога — яго выкарыстанне ў якасці інструмента змешанага навучання. Такім чынам, працэс навучання можа працягвацца па-за класам;
- прастата ў настройцы і адміністраванні ў адрозненне ад іншых тэхналогій;
- спрошчаная публікацыя ўсіх тыпаў рэсурсаў (тэкстаў, выяў, відэа, гіперспасылак і г.д.) у інтэрнэце ў параўнанні з традыцыйнымі сайтамі;
- імгненная публікацыя адным націсканнем мышы: блогі лёгка ствараць і падтрымліваць у адрозненне ад традыцыйных вэб-старонак, якія з’яўляюцца працаёмкімі і патрабуюць некаторых ведаў вэб-дызайну (HTML, CSS, Java-
Script); - абнаўленне з любога месца, пры гэтым можна не хвалявацца аб праграмным забеспячэнні для вэб-распрацоўкі і г.д.;
- ахоп вялікай аўдыторыі без страты якасці інфармацыі;
- кругласутачны (у любы час і ў любым месцы) доступ да інфармацыі, размешчанай у блогу;
- прымяненне іншых платформ сумесна. Напрыклад, выкарыстанне Вікіпедыі як інструмента для групавога пісьма і абмену ведамі.
Што дае блог вучню? Перш за ўсё, адбываецца пашырэнне адукацыйнай прасторы. Школа перастае быць адзінай крыніцай вучэбнай інфармацыі, адбываецца змяненне вучэбнага асяроддзя. З’яўляюцца іншыя прасторы, дзе навучэнцам прадастаўлена магчымасць атрымліваць навыкі зносін і супрацоўніцтва, паводзін у грамадстве. Навучэнцы, працуючы ў суаўтарстве, набываюць навыкі работы ў камандзе, вучацца правільна фармуляваць думкі і будаваць сказы, адбіраць, аналізаваць і прадстаўляць інфармацыю, асвойваюць сеткавы
этыкет.
У заключэнне хочацца адзначыць, што вядзенне ўласнага блога стала спосабам самавыяўлення і адным з прыёмаў усведамлення ўласнай прафесійнай кампетэнтнасці. Выкарыстанне адукацыйнага блога як сродку змешанага і дыстанцыйнага навучання адкрывае перад удзельнікамі адукацыйнага працэсу неверагодныя магчымасці для самаадукацыі і развіцця.
Вераніка БЕБЕХ,
настаўніца англійскай мовы сярэдняй школы № 4 Салігорска
