Расія і ЗША канстатуюць адсутнасць якіх-небудзь інцыдэнтаў у сувязі з прымяненнем авіяцыі бакоў у Сірыі, паведамілі ў расійскім Міністэрстве абароны.
У адпаведнасці з дасягнутымі дамоўленасцямі, адбылася чарговая відэаканферэнцыя рабочай групы высокага ўзроўню Расіі і ЗША па пытаннях выканання Мемарандума аб узаемаразуменні па прадухіленні інцыдэнтаў і гарантаванні бяспекі палётаў авіяцыі ў ходзе правядзення аперацый у паветранай прасторы Сірыі.
“Расійскі і амерыканскі бакі абмяняліся ацэнкамі выканання дасягнутых дамоўленасцей, — адзначылі ў Мінабароны РФ. — Праведзены аналіз асобных элементаў узаемадзеяння, што садзейнічаюць вырашэнню патэнцыяльных канфліктных сітуацый. Канстатавана адсутнасць якіх-небудзь істотных інцыдэнтаў у сувязі з прымяненнем авіяцыі ПКС Расіі і ВПС кааліцыі, якую ўзначальвае ЗША ў Сірыі, а таксама эфектыўнасць і надзейнасць існуючых каналаў сувязі”.
У расійскім ваенным ведамстве заявілі, што расійска-амерыканскія кантакты па рэалізацыі палажэнняў мемарандума прадаўжаюцца.
