“У свеце існуе мноства прафесій. Мая будучая прафесія павінна ў першую чаргу падабацца мне. Бо як выдатна, прачынаючыся раніцай, радавацца таму, што ты ідзеш на работу.
Я яшчэ да канца не ўпэўнена, кім хачу стаць, калі вырасту. Але на цяперашні момант мне хочацца стаць трэнерам па футболе, каб вучыць дзяцей правільнай тэхніцы ўдару, дрыблінгу, тактыцы і гэтак далей. Сама я вельмі добра ўмею гуляць у футбол, чытаць тактыку гульні. Я імкнуся да дасканаласці ў гэтым відзе спорту, удзельнічаю ў спаборніцтвах. Двойчы наша каманда станавілася пераможцай рэспубліканскіх спаборніцтваў. Перамога каманды шмат у чым залежыць ад трэнера. Хто ведае, магчыма, калі-небудзь я стану галоўным трэнерам жаночай Нацыянальнай зборнай Рэспублікі Беларусь па футболе і здолею вывесці каманду на прызавое месца, падняўшы прэстыж нашай краіны.
Не ведаю як зменіцца маё рашэнне праз некалькі гадоў, але ўсім раю выбіраць работу не па грошах, а па душы і жыць стане лягчэй”.
Такія цікавыя радкі напісала вучаніца 7 “Б” класа Маларыцкай школы №1 Дар’я Грузінская. Сваё сачыненне яна стварыла ў рамках тыдня прафарыентацыі, які штогод праводзіцца ў школе.
Мэта тыдня — даць навучэнцам веды аб разнастайнасці прафесій і іх важнасці, выхаваць павагу да працы і людзей розных прафесій, ўсведамленне прывабных і непрывабных бакоў любой прафесіі, паказаць магчымасці памылак і іх наступстваў, пазнаёміць з правіламі пісьменнага выбару прафесіі.
У Маларыцкай сярэдняй школе №1 усе мерапрыемствы былі дакладна прадуманы і спланаваны. Тыдзень пачаўся з інфармацыйнага гадзіны “Які кірунак выбраць”, які правялі спецыялісты СППС Анастасія Бабура і Наталля Хатынюк. Ва ўсіх класах былі праведзены класныя гадзіны, у пачатковай школе прайшла інтэлектуальна-пазнавальная гульня “Кім быць?”. Хлопчыкі і дзяўчынкі з захапленнем прынялі ўдзел у конкурсе малюнкаў “Прафесія маіх бацькоў”. Навучэнцы 5-6 класаў падрыхтавалі калаж “Прафесія маёй мары”.
У рамках тыдня школьнікі атрымалі новыя веды пра рэдкія і незвычайныя прафесіі, набылі камунікатыўныя навыкі эфектыўнага зносін у розных формах і ўмовах, навучыліся плённа працаваць у камандзе, знаходзіць кампрамісы для дасягнення агульнай мэты.
Наталля ХАТЫНЮК,
сацыяльны педагог Маларыцкай сярэдняй школы №1. Брэсцкая вобласць.
