На разгляд прэзідэнта прадстаўлены праект дэкрэта аб ПВТ

Урад накіраваў на разгляд прэзідэнта праект абноўленага дэкрэта аб Парку высокіх тэхналогій, паведаміў намеснік прэм’ер-міністра Анатоль Калінін на сумесным пасяджэнні дзвюх палат беларускага парламента.

“Урад накіраваў на разгляд кіраўніка дзяржавы новую рэдакцыю дэкрэта аб Парку высокіх тэхналогій”, — адзначыў Анатоль Калінін.

У 2016 годзе аб’ём вытворчасці камп’ютарных праграм склаў каля $940 млн, у 2017 годзе чакаецца перавышэнне $1 млрд.

Анатоль Калінін звярнуў увагу, што хуткая змена тэхналогій у сферы ІКТ патрабуе пастаянных інвестыцый, у тым ліку замежных. За 9 месяцаў 2017 года прыцягненне прамых замежных інвестыцый па галіне склала $100 млн, па канцы года прагназуецца выйсці на $130 млн. Пры гэтым забяспечаны дадатны рэзультат знешнеэканамічнай дзейнасці Мінсувязі.

У сферы электрасувязі прадаўжаецца будаўніцтва сеткі сотавай рухомай электрасувязі чацвёртага пакалення 4G. Да канца 2018 года плануецца забяспечыць сотавай сувяззю стандарту LTE ўсе населеныя пункты з колькасцю насельніцтва ад 50 тысяч чалавек.

“У бягучай пяцігодцы плануецца пабудаваць каля 10 тысяч км валаконна-аптычных ліній сувязі і забяспечыць спажыўцоў паслугамі шырокапалосага доступу на скорасці да 100 Мбіт/с — інакш кажучы, павялічыць скорасць у разы”, — сказаў Анатоль Калінін.

Стандартам для новых дамоў і кватэр стане сістэма “Разумны дом”. Насельніцтва зможа аддалена кіраваць рознымі сістэмамі і прыборамі ў сваім доме.

Для размяшчэння дзяржаўных інфармацыйных рэсурсаў і аказання паслуг з выкарыстаннем так званых воблачных сэрвісаў пабудаваны цэнтры апрацоўкі даных, якія адпавядаюць самым сучасным патрабаванням.
Створана сістэма электроннага дакументаабароту дзяржорганаў — сфарміраваны базавы кампанент электроннага ўрада.

Акрамя таго, будзе прадоўжана рэалізацыя такіх праектаў, як стварэнне электроннай школы, электроннага рэцэпта, сістэмы маніторынгу таварна-транспартных патокаў.

 

Пакінуць каментарый

Ваш электронны адрас не будзе апублікаваны. Абавязковыя палі пазначаны *