Прапанаваныя ўладамі папраўкі ў Канстытуцыю падтрымліваюцца насельніцтвам

- 10:07Інфармацыйная гадзіна

Прэзідэнт Казахстана Нурсултан Назарбаеў заявіў, што ў ходзе абмеркавання канстытуцыйнай рэформы насельніцтва краіны падтрымала папраўкі па пытаннях пераразмеркавання паўнамоцтваў паміж галінамі ўлады.

“Я ўважліва сачыў за ходам абмеркавання і канстатую, што яго мэты дасягнуты. У асноўным пры абмеркаванні наша насельніцтва падтрымала змяненні, якія мы ўносім. Сёння мы з вамі разгледзім прапановы і меркаванні грамадзян, падвядзём вынікі і прымем рашэнне аб нашых далейшых дзеяннях”, — сказаў Нурсултан Назарбаеў у ходзе нарады ў Акордзе.

Кіраўнік дзяржавы падкрэсліў, што, улічваючы значнасць гэтага пытання, па яго даручэнні падрыхтаваны рабочай групай праект паправак у Канстытуцыю быў унесены на ўсенароднае абмеркаванне.

У сваю чаргу кіраўнік Адміністрацыі Прэзідэнта Казахстана Адылбек Джаксыбекаў паведаміў аб тым, што ў ходзе абмеркаванняў паступіла больш за 6 тысяч прапаноў.