У яслях-садзе № 33 Ліды вялікая ўвага ўдзяляецца працоўнаму выхаванню дашкольнікаў.
У працэсе працоўнай дзейнасці ў дзяцей фарміруецца станоўчае стаўленне да працы, імкненне аказваць дапамогу дарослым. Калектыўная дзейнасць не толькі спрыяе фарміраванню працоўных навыкаў, але і выхоўвае звычку да працы, адказнасць, клапатлівасць, беражлівасць, гатоўнасць удзельнічаць у сумеснай справе.
Восенню дзеці старэйшай групы з задавальненнем збіраюць ураджай, які вырасцілі сваімі рукамі. Да гэтага працэсу выхаванцы рыхтуюцца грунтоўна. Сумесна з педагогам вызначаюць паслядоўнасць выканання работы, адбіраюць неабходны працоўны інвентар.
У працэсе працоўнай дзейнасці выхавальнік замацоўвае навыкі бяспечных паводзін, правілы абыходжання з інвентаром.
Уборка ўраджаю згуртоўвае дзяцей і дорыць радасць сумеснай працы. Ураджай аддаюць на кухню. Выхаванцы атрымліваюць масу станоўчых эмоцый, адчуваюць карысць працы для сябе, для іншых, для агульнай справы.
Алена ЛАПУШКІНА,
Ганна ЦЫРОНАК,
выхавальнікі ясляў-сада № 33 Ліды.