Абмеркаванне канстытуцыйнай рэформы адбылося ў Магілёўскім абласным цэнтры па забеспячэнні дзейнасці ўстаноў адукацыі.
У мерапрыемстве прыняў удзел увесь працоўны калектыў арганізацыі. Спікерам гутаркі выступіў начальнік галоўнага ўпраўлення па адукацыі аблвыканкама Андрэй Заблоцкі.
— Наша Канстытуцыя накіравана на сацыяльную абарону кожнага грамадзяніна. І важна, што гэтая ключавая накіраванасць захоўваецца. Тры галоўныя пастулаты Асноўнага закона па-ранейшаму — моцная незалежная дзяржава, сацыяльна арыентаваная рыначная эканоміка, прыхільнасць хрысціянскім традыцыям і каштоўнасцям, — адзначыў Андрэй Заблоцкі.
Андрэй Барысавіч падрабязна расказаў аб плануемых змяненнях і дапаўненнях у Канстытуцыю. Асаблівы акцэнт быў зроблены на новым раздзеле аб Усебеларускім народным сходзе, артыкулах, якія тычацца сацыяльных гарантый, захавання гістарычнай праўды і памяці, развіцця патэнцыялу моладзі. Было падкрэслена, што праект Асноўнага закона поўнасцю адпавядае тым задачам, якія стаяць сёння перад краінай.
Сустрэча прайшла ў фармаце дыялогу. Падчас мерапрыемства неаднаразова было адзначана, што канстытуцыйныя пераўтварэнні адпавядаюць унутраным палітычным, сацыяльным і эканамічным працэсам у краіне, адлюстроўваюць патрэбы грамадства і патрабаванні часу. Менавіта таму грамадзянскі абавязак кожнага — прыняць удзел у рэферэндуме.
Ганна СІНЬКЕВІЧ.
Фота аўтара.
