Афіцыйныя вынікі падведзены

Пераканаўчую перамогу на выбарах Прэзідэнта Беларусі атрымаў дзеючы кіраўнік дзяржавы Аляксандр Лукашэнка. 16 кастрычніка Цэнтрвыбаркам Беларусі зацвердзіў канчатковыя вынікі выбараў прэзідэнта.

Па афіцыйных выніках выбараў за Аляксандра Лукашэнку прагаласавалі 5 102 478 выбаршчыкаў (83,47 працэнта).
За Сяргея Гайдукевіча прагаласавалі 201 945 выбаршчыкаў (3,3 працэнта), Таццяна Караткевіч набрала 271 426 галасоў (4,44 працэнта), Мікалай Улаховіч — 102 131 (1,67 працэнта). Супраць усіх кандыдатаў прагаласавала амаль 386,2 тысячы чалавек, а каля 48,8 тысячы бюлетэняў прызнаны несапраўднымі.
У спісы выбаршчыкаў было ўнесена больш як 7 млн чалавек. Пры гэтым у дзень выбараў спісы адкарэкціраваны ў бок павелічэння (плюс каля 16,7 тысячы чалавек). У галасаванні прынялі ўдзел амаль 6,1 млн чалавек (87,22 працэнта), у тым ліку ў датэрміновым больш як 2,5 млн. На ўчасткі ў дзень выбараў прыйшло больш як 3,1 млн выбаршчыкаў.