Казахстан: краіна ўтрая павялічыць гранты на спецыяльнасці па кібербяспецы

Міністэрства адукацыі і навукі Казахстана павялічыць коль­касць дзяржаўных грантаў па спецыяльнасці “Сістэмы інфармацыйнай бяспекі” ў 3 разы з наступнага навучальнага года, перадае карэспандэнт МІА “Казінфарм”.

“Мы як маладое міністэрства з гордасцю заяўляем, што дасягнута дамоўленасць з Міністэрствам адукацыі і навукі па павелічэнні колькасці грантаў па спецыяльнасці “Сродкі інфармацыйнай бяспекі” да 500 у наступным годзе. У Казахстане гэта ­адзіная спецыяльнасць, па якой рыхтуюць спецыялістаў па кібербяспецы. Пры гэтым у той жа Расіі існуе 8 спецыяльнасцей у гэтай сферы”, — паведаміў намеснік старшыні Камітэта па інфармацыйнай бяспецы Міністэрства абароннай і аэракасмічнай прамысловасці Рэспублікі Казахстан Руслан Абдукалікаў на падпісанні мемарандума аб стварэнні цэнтраў кампетэнцыі па кібербяспецы.

Новай для краіны спецыяльнасці вучаць у 7 казахстанскіх ВНУ. Летась Мінадукацыі вылучыла 60 грантаў, у гэтым годзе — 160. Сёння Казахстан стварае сваю сістэму “Кібершчыт”, да 2022 года плануецца шэраг мерапрыемстваў па стварэнні сістэмы абароны ад кіберпагроз.

Пакінуць каментарый

Ваш электронны адрас не будзе апублікаваны. Абавязковыя палі пазначаны *