Чарговы Міжнародны турнір па спартыўнай акрабатыцы “Кіндар-сюрпрыз” завяршыўся ў Магілёве. Сёлета спаборніцтвы аб’ядналі звыш 200 юных акрабатаў з Беларусі, Расіі, Літвы, Малдовы, Украіны і Казахстана.
Спаборніцтвы, арганізатарамі якіх з’яўляюцца ўпраўленне спорту і турызму аблвыканкама, упраўленне адукацыі, спорту і турызму гарвыканкама і гарадская СДЮШАР “Багіма”, адбыліся ўжо ў трынаццаты раз. Пачынаючыя спартсмены ва ўзросце ад 6 да 16 гадоў дэманстравалі свае ўменні ў скачках на акрабатычнай дарожцы, групавых практыкаваннях. У праграму былі таксама ўключаны выступленні мужчынскіх, жаночых і змешаных пар. Свае ўменні спартсмены дэманстравалі на працягу чатырох дзён.
Высокі ўзровень падрыхтоўкі паказалі ўсе ўдзельнікі. Лепшых спартсменаў выявілі ў камандным і асабістым заліках. Пераможцаў спаборніцтваў узнагародзілі кубкамі, медалямі і каштоўнымі падарункамі.
Ганна СІНЬКЕВІЧ.
Фота аўтара.