Альянс “Міжнародная віртуальная абсерваторыя” (IVOA) апублікаваў інфармацыю пра шэраг праектаў па прымяненні астранамічных даных і інфармацыйных тэхналогій у адукацыйнай і навукова-папулярнай галінах ва ўсім свеце.
Аб праектах было абвешчана ў мемарандуме аб супрацоўніцтве, падпісаным паміж IVOA і Міжнародным астранамічным саюзам.
Па словах ратацыйнага старшыні альянсу Цуй Чэньчжоу, які таксама з’яўляецца навуковым супрацоўнікам Нацыянальнай астранамічнай абсерваторыі Кітая пры Акадэміі навук КНР, плённае супрацоўніцтва дзвюх арганізацый паспрыяе актыўнаму выкарыстанню віртуальных абсерваторый у вышэйшай адукацыі па спецыяльнасці “Астраномія”.
Апісваючы канцэпцыю віртуальных абсерваторый, Цуй Чэньчжоу патлумачыў, што з дапамогай такіх тэхналогій, як інтэрнэт і базы даных, глабальныя астранамічныя назіранні і даследчыя рэсурсы могуць быць аб’яднаны для фарміравання інфармацыйна ёмістых сеткавых платформаў у сферы правядзення даследаванняў і папулярызацыі навуковых ведаў па астраноміі. Пра гэта паведамляе “Жэньмін жыбао анлайн”.
Падрыхтаваў Уладзімір МАТУСЕВІЧ.
