Расія: ульянаўскія “код-класы” прызнаны аднымі з лепшых

Ульянаўскія клубы для школьнікаў — “код-класы” — увайшлі ў топ-10 Расійскай Федэрацыі як самыя актыўныя па выніках фестывалю клубаў праграміравання, які прайшоў у рамках рэалізацыі праекта Microsoft “Твой курс: ІТ для моладзі”. Рэгіён удзельнічае ў праекце з 2015 года.

“Код-клас” сярэдняй школы № 1 Барышскага раёна ў агульнарасійскім рэйтынгу заняў 5-е месца, а ўльянаўскай гімназіі № 30 — 7-е. Акрамя таго, трое кіраўнікоў вучэбных клубаў з Ульянаўска, Барыша і вёскі Новая Бекшанка Барышскага раёна атрымаюць фінансавую дапамогу праекта “Твой курс” на правядзенне адукацыйных мерапрыемстваў.

У рэгіёне рэалізуецца комплекс мер па прафарыентацыі моладзі і падрыхтоўцы кадраў для сферы інфармацыйных тэхналогій. “Код-класы” фінансава падтрымліваюць на рэгіянальным узроўні. Праект атрымліваў гранты Фонду развіцця інфармацыйных тэхналогій Ульянаўскай вобласці ў 2016 і 2017 гадах. На сродкі, выдзеленыя некамерцыйнай арганізацыяй, былі закуплены камп’ютары і рабатызаваныя канструктары для заняткаў.

Зараз ва Ульянаўскай вобласці дзейнічае 35 такіх класаў, у іх навучаецца больш за 400 дзяцей.

Пакінуць каментарый

Ваш электронны адрас не будзе апублікаваны. Абавязковыя палі пазначаны *