Ураджайны год

На прышкольным участку СШ № 2 горада Скідзеля, што на Гродзеншчыне, сёлета сабралі добры ўраджай бульбы, чырвонага бурака, морквы, капусты і цыбулі.

Уся агародніна, а гэта 3,5 тоны, будзе выкарыстана для прыгатавання школьных абедаў, што зробіць іх больш таннымі. Таксама трэба адзначыць, што свой ураджай дазваляе разнастаіць рацыён вучняў за кошт розных салатаў.

У школьным садзе ў гэтым годзе было сабрана 500 кілаграмаў яблыкаў. Посуд з памытымі яблыкамі выстаўлялі ў памяшканні школьнай сталовай, каб кожны жадаючы мог паласавацца.

Акрамя зніжэння кошту гарачага харчавання, прышкольны агарод і сад дазваляюць узбагаціць абеды вітамінамі, так неабходнымі дзіцячаму арганізму, вучаць працаваць на зямлі, даюць магчымачць ганарыцца вынікамі сваёй працы.

Іна ШЧАГЛОВА,
дырэктар школы.

Пакінуць каментарый

Ваш электронны адрас не будзе апублікаваны. Абавязковыя палі пазначаны *