Міністэрствам адукацыі і навукі прадастаўлены тлумачэнні адносна школьных праектаў, на якія могуць быць скіраваны сродкі субвенцыі “Здольная школа для лепшых вынікаў”. Адпаведны ліст падпісаны міністрам Ганнай Навасад.
У ведамстве адзначаюць, што адпаведная ўрадавая праграма заклікана дапамагчы органам мясцовага самакіравання палепшыць матэрыяльна-тэхнічную базу і прасторава-прадметнае асяроддзе апорных навучальных устаноў і школ з колькасцю вучняў, большай за 350 чалавек.
Грошы будуць размяркоўвацца пароўну паміж абласнымі бюджэтамі і бюджэтам Кіева.
Сродкі субвенцыі будуць накіраваны на рэалізацыю праектаў, звязаных з завяршэннем будаўніцтва новых будынкаў устаноў агульнай сярэдняй адукацыі; рэканструкцыяй і капітальным рамонтам школ; фарміраваннем новай адукацыйнай прасторы ва ўстановах сярэдняй адукацыі.
Удзел у праграме змогуць прыняць апорныя школы, агульная колькасць вучняў у якіх складае не менш за 200 чалавек (без уліку філіялаў), іншыя школы — не менш за 350 вучняў. У выпадках, калі праект прадугледжвае будаўніцтва новай школы або новага будынка для існуючай школы, праектная магутнасць новага будынка павінна складаць не менш як 350 вучняў.
Таксама павінны быць выкананы ўмовы сумеснага фінансавання праекта з мясцовага бюджэту. Усе праекты, якія будуць прымаць удзел у размеркаванні субвенцыі “Здольная школа для лепшых вынікаў”, павінны быць завершаны да 31 снежня 2020 года.
Агульны аб’ём субвенцыі гэтага года на рэалізацыю праграмы складае 3,5 млрд грн. (1 долар ЗША = 24,5 грн).
Падрыхтаваў Уладзімір МАТУСЕВІЧ.
Фота з адкрытых крыніц інтэрнэту.