У Год культуры ў Цэнтры творчасці дзяцей і моладзі “Спектр” Гродна праходзіць шмат цікавых мерапрыемстваў, якія вучаць яго выхаванцаў радавацца жыццю і быць паспяховымі ў той дзейнасці, якую яны ў жыцці выбіраюць. Адным словам, вучаць быць счаслівымі! Так, у ЦТДіМ “Спектр” музыка арганічна ўлілася ў шосты дзень тыдня і з’яўляецца сувязным звяном у арганізацыі змястоўнага вольнага часу падрастаючага пакалення. А гітара – гэта адзін з самых любімых і запатрабаваных музычных інструментаў.
Гукі музыкі нарадзіліся адначасова з жывымі істотамі, здольнымі іх успрымаць. З тых часоў прайшло шмат часу, гукі ператварыліся ў музыку, а музыка стала мастацтвам, якое не забыта ў нашы дні і працягвае жыць разам з намі. Развіцце музычнай культуры навучэнцаў у шосты дзень тыдня – праблема, якая патрабуе ад сучаснага педагога пошуку аптымальных і эфектыўных шляхоў вырашэння. Для гэтага патрабуецца стварыць асаблівыя ўмовы зносін з імі, казаць на блізкай для іх мове, у натуральнай, нязмушанай атмасферы дабрыні, узаемаразумення, супрацоўніцтва, суперажывання. Як сёння педагогі могуць выкарыстоўваць гэта здзейсненае мастацтва ў якасці сродку маральнага, патрыятычнага і эстэтычнага выхавання маладога чалавека, асабліва ў Год культуры?
Цікавы вопыт работы ў гэтым кірунку назапашаны ў ЦТДіМ “Спектр” Гродна. Вось ўжо дзевяты год сумесна з Гродзенскім гарадскім грамадскім аб’яднаннем “БРСМ”, у суботнія дні, праводзіцца раённы конкурс “Песні нашага двара”. Гэта мерапрыемства, якое фармуе маральныя якасці асобы і эстэтычнае стаўленне да навакольнага, а шчырасць, адкрытасць, давернасць – усе гэта адметныя прыкметы музыкі, выкананай пад гітару, і гэта неабходна падрастаючаму пакаленню, якое добра засвоіла бязмэтнае баўленне часу. Па выніках адборачных тураў самыя яркія і творчыя выканаўцы ўстаноў адукацыі Ленінскага раёна атрымалі магчымасць удзелу ў фінале конкурсу. Трыццаць інструменталістаў і выканаўцаў змаглі паказаць свае майстэрства, сваю захопленасць і жаданне дзяліцца любоўю да гітарнай музыкі з гледачамі. З вокнаў ЦТДіМ “Спектр” у суботу гучалі класічныя творы рок-музыкі 60-х, 70-ых гадоў, творы аўтарскай песні, музыка, якая выхавала не адно пакаленне таленавітай і паспяховай моладзі, якая прымушае “слухаць прыгожае, бачыць прыгожае, а значыць – паляпшацца”. Пераможцы былі ўзнагароджаны граматамі і каштоўнымі прызамі Гродзенскага гарадскога грамадскага аб’яднання БРСМ, а таксама падарункамі ЦТДіМ “Спектр”, што з’яўляецца надзейным стымулам для ўключэння моладзі ў арганізаваны вольны час.
Правядзенне творчага мерапрыемства на высокім прафесійным узроўні магчыма толькі тады, калі за справу бяруцца прафесіяналы-педагогі, якія шмат гадоў актыўна працуюць у “Спектры”, навучэнцы якіх штогод становяцца пераможцамі і прызёрамі конкурсу “Песні нашага двара”. Нездарма ў апошнія гады ў педагогіцы ўкаранілася зацвярджэнне, што ў творчага педагога – творчыя вучні. Так, педагог дадатковай адукацыі Вольга Пятроўна Падчыненкава з’яўляецца ўладальніцай Гран-пры I Рэспубліканскага фестывалю аўтарскай песні і ўдзельніцай праграмы “Подых струн” на канале “Беларусь-3”, Аляксандр Уладзіміравіч Андрэеў – аўтар 10 кніг па навучанні гульні на шасціструннай гітары, а навучэнцы падлеткавай групы “Yellow submarin”, створанай педагогам дадатковай адукацыі Юрыем Мікалаевічам Венядзіктавым, з’яўляюцца пастаяннымі гасцямі гарадскіх музычных сустрэч “Гітара ад класікі да джаза”, якія праходзяць у рамках клуба творчай інтэлігенцыі “Грані”.
Удзел у музычных мерапрыемствах гарманізуюць і развіваюць асобу падлетка, накіроўваюць яго энергію ў стваральнае рэчышча і ўмацоўваюць веру ў свае сілы. І хай гэта пакуль ігра на гітары. Але гэта іх дасягненне, якім будуць ганарыцца яны і іх бацькі, і развівацца ў гэтым кірунку.
Жанна БЕДАРАВА, метадыст ЦТДіМ “Спектр” Гродна.
