Расія: з-за фільма “Яно” настаўніца засталася без работы

У Падмаскоўі звольнілі настаўніцу рускай мовы, якая паказала на ўроку фільм жахаў “Яно”. Інцыдэнт адбыўся ў адной са школ горада Чыгуначны.

“Выкладчык дапусціў прафесійную памылку, выканаўшы просьбу васьмікласнікаў. Жанчына напісала заяву па ўласным жаданні”, — пракаменціравала тое, што адбылося, дзіцячы амбудсмен па Падмаскоўі Ксенія Мішонава. Яна станоўча ацаніла матывы педагога.

“Вельмі хочацца быць з новым пакаленнем на адной хвалі, разумець іх прыярытэты, куміраў і захапленні”, — цытуе ТАСС К.Мішонаву.

Раней СМІ паведамілі, што настаўніца пакінула работу з-за скаргі бацькоў.

Карціна пад назвай “Яно” мае ўзроставы цэнз 18+ і распавядае пра ахвяр злога блазна Пенівайза, які выкрадаў і забіваў дзяцей.

Пакінуць каментарый

Ваш электронны адрас не будзе апублікаваны. Абавязковыя палі пазначаны *